بسم الله الرحمن الرحيم
والله من زمان ماكتبت كم سنتين يمكن او اكثر المهم ماعلينا كله بسبة من بغى الدح ماقال اح ( دراسة الطب )
الفترة هذي صار فيها كثير من التغيرات صار فيها تويتر صار فيها كييك ورقص وبنات وقلة حيا ههههههههه بس صراحة فيه شي جامد
البرامج هذي والتطبيقات لها فوائد كثيرة طبعا فوائدها من وجهة نظري انا اللي يمكن تعجبك ياعزيزي القاريئ ( قاريئ صح ولا غلط ؟) ويمكن لا .. المهم
اول ميزة في البرامج هذي هي بدت تطلع عقول الناس الصدقية اللي كان ملعوب علينا فيهم مثل خوينا الشيخ ومثل خوينا الممثل ولكم حرية الفهم وحرية التفسير طبعا
من ميزات البرامج هذي بدت تفقش الفضايح الناس بدت تتكلم بدون رقيب وبدون خوف وماخذين راحتهم بنفس الوقت بدينا نلاحظ راعين الطبول الله يسلمهم كان لهم يد في التويتر مكملين طرب ماقصروا
المهم ماعلينا المقدمة اللي فوق هذي جت براسي سريع سريع وكتبتها ولا ترى ماحولي احد داج هاج
ما اتوقع احد فينا ما عنده معياره يتطنزون عليه اهله ولا اخوياه فيها //
كلنا لازم نحمل اكثر من معياره
خل اتكلم لكم عن معيارات الشلة عندي الدشير :
داشر 1 - هذا معيارته البطريق
سميناه البطريق لان رجوله طويلة اذا شفته مع الجنب تحصل رجولة وجسمه يشكلون زاوية 90 ونفس الطول يعني لو كملته طلع مربع نفس الاطوال
بعيد الفطر اللي راح قعدت انا وياه 3 ايام نحوس بالرياض ندور له جزمة بالاخير لبس جزمة العيد اللي قبله
داشر 2- هذا معيارته القفل
والسبب لان اسم عائلتهم مرتبط بكلمة قفل وبرضو الولد يحمل من اسمه صفات ومعاني كثير مخه قفل اي نقاش يتحول من انسان لملح من كثر مايرفع ضغطك
داشر 3- هذا معيارته الشايب
السبب هو اصلا شايب بس بفيزة شاب يعني الشكل شكل شباب بس الطبايع والحركات حركات شايب 24 ساعة نايم يضحك على الصامت مايطلع صوت وهو يضحك نص انواع الاكل ماياكلها تدق عليها مايرد ولا يرجع يتصل عليك :$
داشر 4- هذا معيارته القطو
طبعا هذا عكس الداشر رقم 1 هذا رجوله صغار طالع كأنه بس
اخر داشر والحاصل على معيارات بمرتبة الشرف راح اكتفي بذكر معياراته فقط لا غير
1- السباح - رجوله كبار
2- نجلا - طول شعره وطلع كانه بنت لحجية اسمها نجلا
3- مريزيق - طول شعره ولبس ثوب طلع يشبه واحد فيه قل صح
وخلصنا من الزقرت اللي عندي
طبعا لو تعضون الارض ماعلمتكم معياراتي ويمكن يمكن انزل لها موضوع خاص معياراتي على مر الزمان
علمونا فضايحكم
افوتكو بعافية
